• Ծնողների հետ աշխատանքի նպատակները և սկզբունքները

Այս սեսիայի ընթացքում խոսելու ենք այն մասին, թե ինչու է կարևոր աշխատել ծնողների հետ, ինչ առանձնահատկություններ ունի հենց ծնողների հետ հոգեբանի աշխատանքը և ինչ էթիկական նորմեր ու սկզբունքներ են կիրառվում։

• Ծնողավարում․ հիմնական հասկացություններն ու մոտեցումները

Այս սեսիայի ընթացքում կդիտարկենք ծնողավարման վերաբերյալ տարբեր սահմանումները, կքննարկենք ծնողավարման վերաբերյալ ժամանակակից մոտեցումները, ինչպես նաև անդրադարձ կարվի դրական և գիտակցված ծնողավարման առանցքային սկզբունքներին։

• Ծնողների հետ խմբային աշխատանքի առանձնահատկությունները

Այս բաժնում մասնակիցներին կներկայացվեն ծնողների հետ կազմակերպվող խմբային աշխատանքի հնարավոր ձևաչափերը, ծնողական խմբերի վարման առանձնահատկություն-ները, խմբային հանդիպման կառուցվածքը և հիմնական փուլերը։

• Ծնողների հետ աշխատանքի անհատական ձևաչափերը

Խոսվելու է ծնողների հետ անհատական աշխատանքի կազմակերպման մասին, քննարկելու ենք ծնողների հետ հոգեկրթություն, հոգեախտորոշում, հոգեբանական խորհրդատվություն իրականացնելու առանձնահատկությունները։

• Առաջին հանդիպում ծնողի / ծնողների հետ

Քննարկվելու են ծնողի/ծնողների հետ առաջին հանդիպման կազմակերպումը, մեկ և երկու ծնողների հետ դրա կազմակերպման տարբերությունները, ինչպես նաև դիտարկվելու է առաջին հանդիպման ընթացքում ծնողների հետ իրականացվող ծնողական հարցաթերթի մի քանի օրինակներ։

• Ծնողական խորհրդատվություն․ կառուցվածքը, փուլերը

Վերջին հանդիպմանը կքննարկվեն ծնողական խորհրդատվության էությունը, կառուցվածքը, հիմնական փուլերը, հոգեթերապևտի արձագանքման հիմնական հմտություններն ու մեթոդները։ Այս հատվածում կամփոփվի ողջ դասընթացն ու անդրադարձ կկատարվի մասնակիցների բոլոր հարցերին։