Առաջին մասնագիտությամբ կենսաֆիզիկոս է, ավարտել է ԵՊՀ-ի կենսաբանական ֆակուլտետը, երկրորդ՝ հոգեբան։ Ավարտել է ԵՊՀ-ի պրակտիկ հոգեբանների պատրաստման կենտրոնը, ապա ՀՀ ԳԱԱ Գիտակրթական միջազգային կենտրոնի սոցիալական և քաղաքական հոգեբանության մագիստրատուրան։ Տրանզակտ Վերլուծության Հայկական ասոցիացիայի համահիմնադիր։ Սանկտ-Պետերբուրգի Տրանզակտ վերլուծության կազմակերպության անդամ (СОТА, Санкт-Петербургская Организация Транзактного Анализа), Տրանզակտ վերլուծության եվրոպական ասոցիացիայի (EATA, European association of Transaction Analysis) անդամ, վերջինիս անվանի հոգեթերապևտների կողմից Հայաստանում իրականացրած 6-ամյա (400+ ժամ) կրթական ծրագրի մասնակից «հոգեթերապիա» ուղղությամբ։ Վերապատրաստվել է որպես կանանց և տղամարդկանց մոտ սեքսուալ խախտումների ինտեգրատիվ խորհրդատու-հոգեբան (միջազգային հավաստագիր, 240 ժամ):

Աշխատել է «Նորք» հոգեբուժական կլինիկայի երեխաների և դեռահասների ամբուլատոր բաժանմունքում (9 տարի), որտեղ իրականացրել է հոգեբանական խորհրդատվություն և հոգեթերապիա կլինիկայի բուժառուների, ինչպես նաև լուսավորչական աշխատանք հոգեկան խնդիրներ ունեցող երեխաների ծնողների հետ (հոգեկրթության մասնագետ)։ Վարել է թերապեոտիկ  խմբեր հոգեբուժարանի ստացիոնար բաժանմունքներում։ 

Անցկացրել է զորակոչիկների փորձարարական հոգեբանական հետազոտություն և եղել է համալիր դատական հոգեբանա-հոգեբուժական հանձնաժողովի փորձագետ։ 

Հեղինակել և վարել է դասընթացներ հոգեբանների, ծնողների, մասնագիտական խմբերի համար։ Գիտական հոդվածների հեղինակ է։