Առաջին մասնագիտությամբ բանասեր է՝ ավարտել է ԵՊՀ-ի ռուսաց լեզու և գրականություն բաժինը, ապա մայր բուհի պրակտիկ հոգեբանների պատրաստման կենտրոնը և Լոնդոնի Central School for Counselling Training կենտրոնը, որակավորվել է որպես հոգեթերապևտ-խորհրդատու։ Սոցիալ-հոգեբանական ճգնաժամային աջակցության ցուցաբերման և կազմակերպման միջազգային մասնագետ է (Stress & Trauma Response Practitioner/Manager):

Երկար տարիներ եղել է Հայաստանի Տրանզակտ վերլուծության ասոցիացիայի և Եվրոպայի նույնանուն ասոցիացիայի (EATA) անդամ, մասնակցել է եվրոպացի հրավիրյալ մասնագետների կողմից Հայաստանում իրականացված 6-ամյա ուսումնական ծրագրին: Աշխատել է որպես հոգեբան-խորհրդատու Հայաստանում առաջիններից մեկի՝ «Տաթև-95» հոգեբանական աջակցության և խորհրդատվության կենտրոնում հիմնադրման օրվանից: Մասնակցել է բազմաթիվ ծրագրերի, որոնք ֆինանսավորվել են միջազգային հեղինակավոր կազմակերպությունների (UNCNR, UNICEF, UN, AIDARMENIA և այլն) կողմից:

«Լիբրայում» անցկացնում է դեռահասների, մեծահասակների, զույգերի խորհրդատվություն և թերապիա, առկա և առցանց, հայերեն և ռուսերեն լեզուներով:

Անցկացնում է անհատական և խմբային սուպերվիզիա մասնագետների համար: